తెలుగు బంధువులందరికీ సాదర నమస్కారం.
ఈ 2024 సంవత్సరానికి గాను వాషింగ్టన్ తెలుగు సమితికి నూతన అధ్యక్షురలిగా సంస్థకు సేవ చేసే గౌరవం నాకు మీ అందరు ఇచ్చినందుకు హృదయపూర్వక ధన్యవాదాలు. ఓక మహిళా నాయకురాలిగ నాకు మద్దత్తు నిచ్చిన వాషింగ్టన్ తెలుగు సమితి సభ్యులకు, తెలుగు సమాజ పెద్దలకు మరియు వాట్స్ మద్దతుదారులకు నా సాదర కృతజ్ఞతలు.
దాదాపు రెండు దశాబ్దాలుగా వాట్స్ సంఘం అమెరికాలోని వాషింగ్టన్ రాష్ట్రం లో ఉన్న మన తెలుగు వారికి సాంస్కృతిక, సాహిత్య, విద్యా, సామాజిక, కార్యక్రమాలను అందిస్తూ మన తెలుగు దన్నాన్ని భావి తరాలకు పరిచయం చేస్తూనె ఉంది. గత అధ్యక్షుల నాయకత్వంలో ఇంతింతై వటుదింతై అన్నట్టుగా అమెరికాలోని ఉత్తమ తెలుగు సంఘాలలో ఒకటిగా విరాజిల్లుతుంది. ఇంత పేరున్న సంస్థకు నాయకత్వం వహించడం నా పూర్వ జన్మ సుకృతంగా భావిస్తున్నాను.
నేను తెలుగు బడి ఉపాద్యాయినిగా, సాంస్కృతిక కార్యకర్తగా, స్వయం సేవికగ గత పదిహేను సంవత్సరాలు గా వషింగ్తన్ తెలుగు సమితి ద్వార మీ అందరికి సెవలు చేస్తూనె ఉన్నాను. 2024 లో ఈ సమితి అధ్యక్షురాలిగ వాషింగ్టన్ తెలుగు ప్రజల అభ్యున్నతి, శ్రేయస్సు కోసం మరెన్నో వినూత్నమైన అభివృద్ధి, సేవా కార్యక్రమాలు చేపట్టడానికి నాతోపాటు ఔత్సాహిక కర్యవర్గం సంసిధం గా ఉంది. నాతోపాటు మా కర్యవర్గం లో ఇద్దరు మహిళలకి స్థానం కలిపించి, వారి క్రియాశీలతతో 2024 లో మా కార్యక్రమాలను మరింత ఆహ్లాదముగా తీర్చుటకు కృషి చేస్తున్నాము.
నేటి బాలలే రేపటి పౌరులన్న నిజాన్ని గౌరవిస్తూ యునైటెడ్ స్టేట్స్ లో పుట్టి, ఇక్కడ పెరిగిన మన యువతను ఈ కార్యక్రమాలలో చురుకుగా పాల్గొనేలా ప్రోత్సహించడానికి మేము మా వంతు ప్రయత్నిస్తున్నాము. భవిష్యత్ తరాలకు మన సంస్కృతి మరియు సంప్రదాయాలను పరిచయం చేసి అందులో విలువను తెలియ చెప్పుట మా సంస్థ ఒక్క లక్ష్యం. ఈ లక్ష్యసాధనకు మీ విలువయిన సలహాలు మరియు ఐడియాలతో నన్ను లేదా నా టీమ్ ని సంప్రదించగలరు. భావి తరాలకు తెలుగు సంస్కృతిని పరిరక్షించి, సుసంపన్నం చేయడానికి మనందరం కలిసి ప్రపంచవ్యాప్తంగా తెలుగువారి కీర్తిని పెంచగలమని మనస్ఫూర్తిగా ఆశిస్తున్నాము.
సభ్యత్వాలు, స్పాన్సర్ షిప్ లు, విరాళాలు,మరియు స్వచ్ఛంద సేవ లో పాల్గొనడం ద్వారా మీ నిరంతర మద్దతుకు 2024 యొక్క ఎన్నికైన కర్యవర్గం హర్షం వక్తం చెస్తున్నది. ఇప్పటికే సభ్యులుగా మారిన మీకు, నేను ధన్యవాదాలు తెలియజేస్తున్నాను. వెబ్ సైట్ మీకు ఉపయోగకరంగా ఉంటుందని ఆశిస్తున్నాను. మీరు ఇంకా మన సంస్థలో సభ్యులు కాకపోతే, మీరు వెంటనే సభ్యత్వం తీసుకుంటారని ఆశిస్తున్నాను.
ఈ ప్రయాణం లో నేను, మా కార్యవర్గ సభ్యులందరమూ అందరికీ ఎల్లవేళలా అందుబాటులో ఉంటాం. టీమ్ 2024 కు సాదర స్వాగతం మరియు రాబోయే విజయవంతమైన సంవత్సరానికి శుభాకాంక్షలు!
ఇట్లు మీ
సునీత కొత్తపల్లి
